موضوع جريء جداا!!!ادخلوا وجابوني؟؟

ياجماعه عايزه ردودكم

المفروض ان اهم صفه في البنت

هي الخجل والحياء

وتدخين الشيشه ده

يفقد البنت حياءها وخجلها

جاوبوني؟؟

1_ البنت اللى بنت تدخن دية بتكون حاسة بالنقص بس فى نقس الوقت هى بدور على حاجة مش عارفة ايه هى .


2_انا ممكن اتقدم لأخطب بنت لو كنت بحبها فعلا بس أكيد هبذل جهدى لأزيل هذه الوصمه القذرة من ماضيها.

3_ التوعية اللى [i]مفروض تكون موجودة.

اولا ؛الفتاه الى بتدخن اى نوع من انواع التدخين عامة من وجهة نظرى

دى انسانه مش محترمه سورى فى الفظ (صيعه) وعايزه تتربى من اول وجديد


ثانيا:انا مرضاش اتجوز الاشكال دى وماتنسوش الى قلته فى الاول(صيعه) سورى فى الفظ تانى

وبوجه لميمو انه لو رضى يتجوز بنت من دول حتى لو بيحبها هو قال هيزيل الوصمه القذره

وانا من راى لو عايز يزيل هذه الوصمه تبقى البنت دى عايزه الضرب علشان تزيل هذه الوصمه لان الى بيدخن ما بعرفش يبطلها

ثالثا؛الحل للظاهره دى ان يخلوا ممنوع دخول اى بنت اى كوفىشوب او تدخل بس ممنوع التدخين منعا للاحراج

انت على صواب فعلا البنت اللى
بتدخن دى فعلا مش متربيه ومش محترمه ومفروض كل الناس تبعد عنها
لان كده هى هاتشبه اى حد معاها وبعدين التدخين هيسبب لاى بنت مشاكل كتير جسمنيه ونفسيه
أيتها الفتاة المدخنة ..

الأنوثة هي بريق عينيكِ وأنت ذابلة العيون.

الأنوثة هي لون شفتيكِ وأنتي قد طليتِ شفتيكِ بلون أسود كتوم.

الأنوثة هي عبير أنفاسك وأنفاسكِ أنت كأسوأ ما تكون.

الأنوثة هي اشراقة وجهكِ وأنتِ وجهكِ غائب بين الدخان والسموم.

موضوعك ياشوشو كويس جدا

وده جميل انك فتحتي باب النقاش في موضوع في غايه الاهميه

فعلا ياشوشو البنات انا مش عارفه ايه اللي جرالها ممكن وقت الفراغ وكمان عايزين يقلدوا الرجاله

علي اساس المساواه كلام فاضي ربنا يهديهم وانا لو كنت شاب مش ممكن افكر في بنت زي كده

ازاي ديه هتبقي ام اولادي وقدوتهم ديه هتكون اكيد مجتمع فاشل

وممكن يكون الحل من وجهه نظري اعاده تربيتهم مره تانيه مع الصحبه الصالحه

علشان الاصحاب لهم دور في هذه العاده السيئه

في الناهيه ادعوا لهم بالهدايه

شكرا ياجماعه على ردودكم

وانا سعيده بتفاعلكم ده مع الموضوع

وعايزه اقول لميمو انك حتى لو قدرت تغير العاده

اللي عندها دي وبطلت الشيشه

هتكون الشيشه دي اكسبتها صفات تانيه وحشه

مااعتقدش انك هتقدر تغيرها

زي ماقولت قبل كده خجلها وحياءها فقدوا وضاعت انوثتها

وعايزه اشكرك ياتوتا على ردك وشعرك الجميييل

وفعلا يارورو عجبني كتييييييييييييرردك واقتراحك وفعلا الصحبه ليها عامل كبير

وشكرا ادمين على تعليقك كان كتيييييير حلو

وياريت اسمع راي الاعضاء الاخرى

موضوعك جميل جدا ياشوشو

كويس انك فتحتى باب النقاش فى الموضوع ده
لان فعلا الواحد قرف من الحاجات الى بيشوفها يعنى دلوقتى تلاقى البنت قاعده فى الكافيه بتشرب شيشه وسجاير وتقولك عادى جدا وتحسى انها فخوره انها بتعمل كده .

وتقولك هيه ديه الحريه الشخصيه ...
انتى عارفه انا قبل ماروح الجامعه وابتدى اخرج لوحدى مكنتش متخيله ان ممكن بنت تشرب حاجات زى كده لكن اول ماروحت لقيت الموضوع ده منتشر بطريقه غريبه والى كان هيجننى اكتر ان فى رمضان فيه ناس كتير جدا بنات وشباب فاطرين وبيشربوا عادى ولا اكنهم بيعملوا حاجه غلط ..

( يارب برحمتك استغيث )......

اللهم اهدينا واهدى شباب المسلمين اجمعين ............

شكرا كاري على تعليقك

وفعلاااا عندك حق

هم مش فاهمين الحريه صح

وماتستغربيش ان شرب السجاير والشيشه بقى عادي بالنسبه للبنات

دول بقوا كمان بيشربوا حاجات تانيه كتيييييييييره

المعظم بيشرب الحشيش كمان

انا مره كنت بتفرج على برنامج صبايا

ولقيت البنات والشباب بيتكلموا عن الحشيش بانه هو كمان بقى عادي

والالعن من كده ان في واحد من الشباب كان بيتكلم وبيحاول يقنع الناس بيها

وانها لا تذهب العقل زي بقيه المخدرات وانما تؤثر على short term memory(الذاكره القريبه)فقط

والغريب انه كان بيتكلم بثقه وباسلوب علمي

وكان باين عليه انه محشش قبل ماييجي

مش عارفه جاب المعلومات الغلط دي منين

يارب احفظنا

منوضوع جميل جدا فعلا ياشوشو

وقضية فى مجتمعنا

عايزة وقفة

بس احنا ماينفعش نلوم على البنات دول

مش علشان هما مش غلطانين
لاطبعا

بس الموضوع اكبر من انه يكون بنت صغيرة بتشرب شيشية

طبعا هاقول انهم صغيرين لو مش بسنهم
يبقى بعقلهم

انتى بتقولى ان البنت قاعدة مع مامتها يعنى الاساس غلط

ومش هنلوم اوى برضه على الامهات والاباء

عشان الانسان برضه لازم يكون ايجابى ويقدر يتحكم فى نفسه

بس لو اعتبرنا ان ده جهل يبقى هما فاهمين معنى الحرية غلط ودول محتاجين توعية

واعتقد ان التوعية موجودة دلوقتى بشكل واسع فى البرامج التليفزيونية الاجتماعية والدينية

انما لو اعتبرناه حاجة تانية غير انه يكون جهل

فهو هيكون جهل برضه
المراة دلوقتى بتعتبر نفسها زى الرجل تماما فى الحقوق والواجبات وطبعا فى الحاجات الغلط

ويدخلوا فى عقول البنات دلوقتى اللى هما طبعا نفوسهم ضعيفة ان المراة زى الرجل
واى حاجة يعملوها نقدر نعملها
فالبنت تحاول انها تكون متقدمة ومتحضرة وتعمل زى ما الرجل بيعمل
بس هى مش عارفة تبقى قاضية ولا عارفة تقوم بالاعمال الشاقة اللى بيعنلها الرجل فتروح تشرب شيشة
اهو اى حاجة وخلاص من باب التحضر يعنى

ونسيوا الدين الاسلامى وتفضيل الله للرجل على المراة فى اشياء وتفضيل المراة باشياء اخرى

نسيوا الفطرة اللى ربنا خلقنا عليها

نسيوا يعنى ايه انوثة
نسيوا ان النساء قوارير

مش يبقى جهل برضه ؟

الموضوع ياجماعة اكبر من اننا نتكلم عنه فى كلمتين

وانا عارفة ان كلامى مختصر جدا جدا
بس مش عايزة اطول عليكوا اكتر من كدة

شكرااا انجل على تعليقك

وانا معاكي في رايك

وانا بقترح انهم يعملوا قانون يمنع شرب الشيشه اوالسجاير

واللي يشربهم يتحبس تابيده

فالكل بكده هيبطل وهيتربى

فلو اهلهم مش عارفين يربوهم

وهم نفوسهم ضعيفه ومش قادرين يمنعوها

يبقى القانون يربيهم

ولا ايه رايكم

تابيده كتير ولا كده احسن؟؟؟

بصى ياشوشو

انا قلت ان الموضوع اكبر من اننا نتكلم فيه فى كلمتين

قانون ايه يابنتى
صلى على النبى كدة واهدى

ماكنش حد غلب


ولو فيه قانون يعنى

هيبقى تأبيدة للى بيشربوا الشيشو والمخدرات؟

وللا هيبقى لمين بالظبط؟



لا لا شوفيلنا حل تانى

يابنتي الناس دي ماينفعش معاها غير كده

طب ممكن نعمل ايه

لا وعي تليفزيوني نافع

ولا تربيه ماثره

ولا ضمير ولا اتصال بربنا موجود

ممكن نعمل معاهم ايه

اقترحيلنا طيب يانجوله

نطخهم ونرتاح منهم

مش قصدى ياشوشو اننا نعاقب الناس دول

الناس دى لو ملقتش مخدرات وملقتش سجاير وشيشية

اكيد مش هتاخد الحاجات دى


عرفتى مين اللى المفروض يتعاقب؟

فهمتك ياانجل

وانا اقتنعت

بس حبيت اضيف حاجه للناس اللي بتشرب الشيشه والسجاير

في كتيييير منهم بيقول :(دانا مش بدخلها في صدري

دانا بدخل الدخان في فمي واطلعه تاني وده مافيهوش ضرر عليا)

عايزه اقولهم ان ماده النيكوتين اللي موجوده في السجاير

بيتم امتصاصها من الجدار المبطن للفم(mucosa of the mouth)

فبيكون ليها نفس التاثير الضار

هاى البنات دلوقتى عايزين يعيشوا بحرية وفكرين لما يقلدوا الرجالة فى كل حاجة يبقى بيتساوى ويبقى مفيش مجتمع ذكورى والبنات اليومين دول عندهم فكر غريب سورى اقصدى جهل غريب ان البنت تمشى مع واحد 2 3 8 9 عادى وتحشش عادى ولو حد قالها اية دة تقول الا انا لسة بشرفى لو يعرفوا انى الى بيعملوه بيقضى على كينهم الانثى ويعرفوا ان الشرف جزء لايتاجزء انا هقول عن اضعف جاجة الملابس الوحده جسمها مش غالى يبقى سمعتها هتهمها شوشو يا حبيبة قلبى انتى جبتى الموضوع من الاخر ومعنى الذهول الى انت فية معناه البرئه بس فى بنات بتبقى تعبانة نفسيا بس معظمهم تعبنين اخلاقيا

ولا يهمك ياروميو

كل تاخيره وفيها خيره

ميرسي جداا على دخولك على الموضوع وتعليقك عليه

وانا زيك فعلاا مش عارفه ايه الي بيعجبهم في السيجاره العدوه دي

موضوع: رد: موضوع جريء جداا!!!ادخلوا وجابوني؟؟ الثلاثاء نوفمبر 06, 2007 7:42 pm

والله يا شوشو انا شايفه البنت اللى بتعمل كده متربتش وبالتالى اهلها معرفوش يربوها يبقى الحل يتشنقوا هما واهلهم فى ميدان عام لان العرق يمد لسابع جد هتبقى اجيال منيله بنيله وبالتالى المجتمع عليه العوضوهو مش ناقص وانا اشكرك يا شوشو على هذا الموضوع ومعلش شاركت متاخر

في فعلا البنسبالهم عادي الكلام ده
ده سببو ان مفيش حياء ولا ايمان خالص بربنا
كل باصص للدنيا من ناحية واحدة
الناس كل يوم بتتغير للأسوأ
وفي نفس الوقت ناس كتير ربنا بيهديها كل يوم
ربنا يهدي الجميع يارب

الموضوع جامد جدا
بس انا ليا تعليق
البنت اللى بدخن....نوعين...
واحدة بتكون حصلها اى حاجة فى حيتها فعملت كدة ويعتبر دة عدم تركيز لنفسها
والنوع التانى
واحدة بتكون فى نقص فى التربية وعدم السيطرة عليها واى حاجة ممكن يعملوها
ومرة تانية الموضوع جامدموووووت

:801

مرسي نونه وسبيدر وميدو على تعليقكم على الموضوع



وربنا يهدي الجميع