البطاله ...... ست الستات ( ام المشاكل ) ....!!

وكانها ست الستات ( ام المشاكل )

من وجة نظرى دة اسم البطالة فى مصر

وبسببها ظهرت مشكلة الهجرة الغير شرعية

والادمان

والعنوسة

والدعارة

والامراض النفسية

والرشوة

وحاجات كتيرة جدا

نقدر نقول انها جريمة وبدات كل يوم تكتر اكتر واللى بدات تكبر مشاكلها من سنين قريبة

العيب مش فى الشباب والله

بالعكس

الشباب قادر جدا على الشغل وعندهم الرغبة فى دة وبيدورا بس مش لاقيين

ودة بجد بيرجع على الشباب فى الحاجات اللى قولتها فى الاول

واللى منهم بيتحفز بالهجرة غير شرعية

منهم بينجح ومنهم اللى بتوصلة لحوادث ومأساة

واللى منهم بيقع فى ايد نصابين يخسروهم فلوسهم

ومنهم اللى بتضيع حياتة قبل وصولهم للبر التانى الى عايزين يوصلة لية

واحيانا مشكلة البطالة دى بتوصل اى نفس ضعيفة لارتكاب افظع الجرائم والتعدى على النفس والمال

ومنهم اللى بيتمنع عن الزواج وتكوين اسرة مستقرة لضيق حالتة المادية

وساعتها بقى بيدخل فى دوامة الجواز العرفى اللى بيدمر بدرى بدرى

لانة كلة مشاكل واللى بيسبب كمان انهم يرموا اولادهم قدام لملاجأ الايتام

وبتزود نسبة اطفال الشوراع غير انها بتزود نسبة العنوسة بين البنات

غير كدة بتخلى بعض الشباب تشتغل باعمال مش مناسبة لمؤهلاتهم

بجد المشكلة بقى ليها تأثير سلبى على المجتمع

وكل دة بيأثر على حالة الشباب نفسيا

وبيوصلهم لطريق مسدودوبتأثر عموما على سلوكة

غير انها سب فى الفقر وطبعا عمر ما الفقر كان عيب ابدا

بس طموحات كل شاب اكبر من كدة محدش بيتمنى انة يبقى فقير وكان وفر على نفسة موضوع الشغل من الاساس

كل واحد لية طموحات وفية مننا كتيرة ظروفة صعبة

اية الحلول لينا كشباب واحنا قدامنا حاجات كتيرة عايزين نحققها وكل يوم من واحد مننا حلمة بيضيع

المصانع والحاجات الى بنشوفها فى الاعانات دى عمرها ما هتخلى شاب يتجوز

ولا دى هتحل ازمات الشباب دى حاجات بس الحكومة بتضحك بيها علينا لان الاجور بجد ما هتاكل عيش حاف

ياريت بقى تغيروا نغمتكم دى وتشوفوا لللشباب حلول ترضيهم

حل يوصل للشباب دى كبداية يحقق احلامة وطموحاتة

ولا هتسيبونا نقول ان البطالة بقت داء مصر المزمن

والله اعلم فى غير مصر كتير ولا احنا بس اللى كدة

منقول

انت عارف العيب على مين
ولا بلاش اقول انا مش عايزه مشاكل
بس اكيد انت فهمت انا عايزه اقول ايه

فهمت فهمت

ما انا لازم افهم

اللى يعرفك لازم يفهم الالغاز

ده كفايه انك قرينتى

من قبل متقوليها هى اتفهمت

بس انتى كونتى تقصدى مين ؟

لانى مش فاهم حاجه

ههههههههههههه
خلاص مش لازم تفهم
بس هيه مفهومه لوحدها اصلا

هههههههههههههه

احنا تعبنا كلام فى المواضيع دى بجد
انا قربت اكره نفسة ومش هكلمنى تانى

انتى هيستى يا انجوليا عمتا سيبك من الموضوع لانى انا كمان اتخنقت من المواضيع دى والمنتدى كمان مش متطور

يعنى مفيش اعضاء كتير الواحد يحس معاهم بالتنوع

الواحد حاسس انه بيكلم نفسه

احنا بجد عاوزين نقدم رساله بس من الواضح اننا بنقدمها لنفسنا تانى لان مفيش حد غيرنا

يارب ........

بص ياروميو فعلاا المشكله كبيره جدااا

والحل هيكون بسيط لو مصر فعلااا استفادت من شعبها ده وافادته

بيقولوا مشكله البطاله ناتجه عن الكثافه السكانيه العاليه اللي من الصعب ان يلاقولهم شغل

لكن لو مصر فعلاا عملت زي الصين

هتتحول الكثافه دي لمصدر دخل قومي هائل هينفع البلد كلها وهيحل مشكله الشباب

بس المهم مصر تحسن استخدام ابناءها

بدل ماتسفرهم للخارج ويستفيد منهم الغيرزي احمد زويل وفي الاخر تقول ده ابن مصر( مش في مصر)

بجد كلامك مهم جدا

وانا كنت بفكر اكتب موضوع من تأليفى انا اسمه ( مصر مفهاش ولا مشكله )

وبجد احنا معندناش مشاكل بس احنا اللى قولنا كده واحنا اللى صدقنا

طيب انا عايزكم تجبولى مشكله

وهرد عليكم

ومن ردى هتعرفوا ان مفيش مشكله

عايزين نفكر بعقلنا جامد وندخل قلبنا يفكر معاه وكمان يحس

لان القلب متخلقش علشان ينبض علشان نعيش ومتخلقش علشان نسمع دقاته لما نحب ونحس بالحبيب

لكن بجد احنا لازم نفكر بيه ونحس بيه لانه بيرشد صحبه

وعلى راى المغنيه المشهوره .......... ( قلب المؤمن دليله )

ياريت مكنش طولت عليكم