مسابقة حفظ القران الكريم.يالا نحفظ مع بعض القران ونشجع بعض

عندى فكرة جديدة ياولادى وعايزة اقولكم عليها
ايه رايكم لونحفظ كل اسبوع ربع جزء من القران الكريم ونبقى عاملين ميعاد محدد نسمع فيه الجزء ده من القران
ونشجع بعض فى الايام الكريمة دى
احنا ممكن نبتدى من اخر جزء فى القران اللى احنا طبعا كلنا حافظينه
بس عشان يكون فى الاول سهل وبعد كدة نحفظ السور الكبيرة ويكون مراجعة لينا وتذكير
احناا نعمل معاد ندخل فيه كلنا ونقول اللى احنا حفظناه
ونبتدى من النهاردة ومعادنا باذن الله يوم الجمعة الجاية
واللى ممكن يلاقى عنده اى صعوبة فى القراءة والتجويد ممكن يستعين بالموقع ده فى القراءة
http://www.islamway.com/?iw_s=Quran

انا مش عارفة بقا اللى هيحفظ ممكن نديله ايه فى المسابقة دى
بس مهما كانت الهدية فاكيد مش هتبقى زى اجره وثوابه من ربنا
وربنا يقوينا كلنا ان شاء الله ويعيننا على حفظ كتابه الكريم

[b]

الله عليكى يا انجل
فكرتك جميله جدااا ربنا يباركلك يارب

انا مستعد

فين انتوا بقى

حددوا البدايه والنهاريه

والمكان

والزمن

وهتلاقونى

موجود

لانى بجد محتاج اللى يشجعنى

انا فعلا بحاول مع نفسى

بس الاحسن لما احس بتشجيع ومنافسه

احنا هنبدأ ان شاء الله ياروميو من الجزء الثلاثون
عشان تقريبا كلنا حفظينه ونبقى بنراجع على اللى احنا حفظينه اصلا قبل مانبدأ فى حفظ جديد
الزمن/ان شاء الله كل يوم جمعة من كل اسبوع

المكان/هنا فى منتدى المسابقات
واللى يقدر يحفظ اكتر اكيد هيكون احسن وكلنا هنشجعه بس ياريت محدش يحفظ اقل
هو الجزء المحدد صغير اصلا ومش هيتعب حد
ويارب بقية الاعضاء يدخلوا ويشاركوا فى المسابقة
ولو عايزين جوايز بسيطة خالص اللى هيحفظ يختار جايزة واناهاجبهاله
بس شوفوا الاول الجايزة هتكون على اساس ايه لان الكل هيحفظ ان شاء الله

الساعه كام يا انجوليا

واحنا مش محتاجين جوايز

لاننا لو خدنا الجوايز هيضيع علينا الثواب

لاننا كده بنحفظ علشان نفوز بالجائزه مش علشان نفوز بالجنه

اه صحيح ازاى على منتدى المسابقات

انا مش فاهم ازاى هنسمع اللى حفظناه ؟

انت هتسمع اللى حفظته لنفسك او تخلى حد يسمعلك
وهتيجى تقولنا انت حفظت ايه وكان عندك غلطات وللا لا ولابلاش حاية الغلطات دى احسن

وياللا شدوا حيلكوا النهاردة الاربعاء
فاضل يومين على معادنا

اه

انا كده ورايا شغل كتيييييييييييير اوى

هحاول انجز

ربنا يقويك ياروميو ويقوينا
وعشان منتقلش على حد احنا حددنا ربع جزء
واللى هيزود اكيد هيكون احسن

طيب كده تمام اوى

ايييييييييييييييييييييييييييييييييييييه ده كل دول حفظوا
الله الله عليكوا ياعمالقة
انا بجد فرحانه بيكوا خالص
اخجلتمونى
عامة انا حفظت نصف الجزء
وان شاء الله الاسبوع ده هاكمله
باذن الله

وياريت تخجلونى تانى وتطلعوا حفظتوا

انا الحمد لله حفظ فيما يساوى ربع جزء

وبجد ميرسى ليكى

ومبروك ليكى انتى

انا الحمد لله تقريباا داخله في تلت تربع جزء

وباذن الله هكمله واراجع عليه تاني الاسبوع ده

حلو اوي التشجيع ده ياانجل هيخلينا نحفظ اكيد

بسم الله ماشاء الله
شاطرين يااولادى
ان شاء الله الاسبوع ده نخلصه
وهاجبلكوا حاجة حلوة

انا الحمد لله تعالى حفظت الجزء كله

وهبتدي اراجع عليه انشاء الله

انا شكلى هنسحب من المسابقه

مبروك ياشوشو وياريت تدخلى تانى يوم الجمعة تقولى

واحنا عاوزين نعرف سبب انسحابك ايه ياروميو؟فى حاجة معجبتكش؟

بارك الله فيكي يا انجل
وفكره حلوه اوي احب اشترك معاكم بس اعزوروني مكنتش فاضيه الاسبوعين اللي فاتوا

ومكنتش بدخل المنتدي انا لسه عارفه المسابقه قريب انا لسه في اول سوره في الجزء

هحفظ معاكم الجديد مع القديم

مفيش مشاكل يارورو
احنا المفروض كنا عاملين ربع جزء كل مرة عشان منتقلش برضه على حد فى الحفظ
احنا بس خلصنا بسرعة لانه كان بالنسبة لنا مراجعة
وهو كدة مفتكيش كتير
هتقدرى ان شاء الله تكملى معانا

وربنا يقوينا يارب

هو مافيش حد بيدخل يقول هو حفظ ايه ليه؟؟

هو احنا بعد الجزء الثلاثين هنبتدي منين تاني ياانجل؟؟

ايه رايك نبتدي من صوره البقره من بدايه الاسبوع المقبل علشان ندي فرصه للي ماكملش الجزء الثلاثين يكمله لغايه نهايه الاسبوع ده

وماحدش يقول انه هينسحب احنا هنا بنشجع بعض

اوكى ياشوشو

انا موافقة
بس هو فين الناس اللى مشتركين صحيح

ياللا ياجماعة عشان نبدا جزء جديد

كل سنه وانتم طيبين يا اجمل واحلى اعضاء فى مصر yahya

انا بتاسف انى دخلت متاخر فى الموضوع الجامد ده

بجد يا جماعه عايزين نشجع بعض ونحفظ قران

واحب اقول لانجل ربنا يباركلك فى الموضوع العظيم ده

وانا ان شاء الله هبدا احفظ من اول يوم رمضان علشان مشغول

اوى فى الاداره اليومين دول بجهز لاعضاء المنتدى الجامدين اوى

احلى المسابقات بمناسبة شهر رمضان معلش طولت عليكم

اه كنت هنسى ياريت كل الاعضاء يدخلوا ويشارك فى

الموضوع العظيم ده ويحفظ معانا فعلا يا جماعه الى بيحفظ القران

بيكون معاه اعظم نعمه وهى( حفظ القران الكريم)

وكل سنه وانتم طيبين مره اخرى

انا منسحبتش بعد كلام انجل ليا وانا الحمد لله ماشى بمعدل احسن من الاول وقربت اختم الجزء الثلاثين وان شاء الله هختمه قبل دخول رمضان وربنا معايا ومعاكم جميعا وياريت لما نبتدى نيتدى بالجزء التاسع والعشرين نحفظ من ورا زيى ما ابتدينا وده هيكون حلو لينا لان الصور من ورا بتبقى صغيره لغايه لما تبقى كبيره وده مش هيحسسنا بمشقه واحنا بنحفظ انا ارى ذلك وكل واحد حر

وجازانا الله كل خير

جمسل اوي كده

كده بقى في اعضاء ان شاء الله ناويين يحفظوا

بارك الله فيكم جميعاا

يلا بقى ياانجل قوليلنا هنبتدي امتى تاني وهنبتدي بايه

انا ماعنديش مانع اذا كنا هنبتدي من الاول او من التاسع والعشرون زي ماقال روميو

احنا لازم نتفق على حاجه تجمعنا

وكمان لازم نستنى بعض

والمشكله لو استنينا بعض هنضيع حماس بعض مننا

فدى مشكله

عايزه حل

فعلاا ياروميو عندك حق

بس انا عندي حل

ايه رايكم احنا هنبتدي من جديد اول رمضان

وان شاء الله اللي فاضله حاجات بسيطه في الجزء يكملها اليومين دول

واللي هييجي عليه اول رمضان وهيكون لسه ماخلصش هيبتدي معانا الجديد بالاضافه انه يحفظ شويه من القديم لغايه مايخلصه ويبقى ماشي معانا

ايه رايكم في الحل ده

بس عايزين نعرف هنبتدي بايه تاني

خلاص حلك حلو اوووووووووووى

بس برضه انا مصر انا نبتدى من الجزء التاسع عشر

وده مش هروب من صوره البقره الحمد لله انا قرأتها كتير فأكيد هتبقى سهله عليا بس كل اللى بتكلم فيه اننا بدل ما نخش فى الحفظ بقوه ونحس اننا بنتعب نفسنا جامد وممكن ناس متبقاش وخده على كده فشويه شويه يكسلوا فنبدى من ورا زيى ما ابتدينا ويبقى من الخيف للتقيل يبقى بنعود نفسنا سنه سنه وميبقاش فيه ارهاق علينا

الدين يسر وليس عسر

ده رأى وياريت ميكونش حد مضايق منه

اوك انا موافقه مافيش مشكله

نبتدي من التاسع والعشرون

ان شاء الله

بس اهم حاجه هنبتدى فيه من امتى ؟

انا اسفة جدا ياجماعة انى اتأخرت عليكوا فى الر
انا كمان موافقة اننا نبتدى من الجزء التاسع والعشرون
بس هم حاجة اننا نحفظ
وربنا يتقبل منا يارب
وهنبتدى ان شاء الله من اول شهر رمضان
بس مش هينفع اننا نحفظ جزء واحد بس فى شهر زى اللى حصل الشهر اللى فات
احنا فى شهر كريم وعايزين نستغل الايام المباركة دى
ومننساش برضه ختم القران
واحنا ان شاء الله فى اول اسبوع من شهر رمضان هنحفظ اول 5 سور
وهما بالظبط نصف الجزء
يبقى ان شاء الله اخر الاسبوع يوم الجمعة زى مااحنا متفقين
هندخل نقول اننا حفظنا سورة الملك والقلم والحاقة والمعارج ونوح
ومش عايزييييييييييييييييييييييييييييين انسحاب
ويارب بقية الاعضاء يدخلوا يشاركوا معانا ويحفظوا كلهم

باذن الله ربنا يقدرنا ونحفظ

وياريت ياجماعه كل واحد وهو بيفطر كل يوم ماينساناش بالدعاء علشان الدعوه مجابه

وان شاء الله انا هدعيلكم كلكم

وربنا يسهل عليكم كلكم الحفظ يارب

وفعلاا زي ماقالت انجل لازم نحفظ اكتر من جزء لاننا في شهر كريم

وتذكروا دائماا وانتوا بتحفظوا ان ثواب من حفظ القران جنه الفردوس الاعلى

وربنا يوفقكم يارب

معلش يا شباب انى دخلت متأخر

ومعرفتش خطتكم فى الحفظ

بس الصراحه انا انشغلت فى الكام يوم اللى فاتوا بالتلاوه ولذلك انا عديت مرحله كبيره اوى والحمد لله

ان شاء الله ربنا يسهل

واحفظ

ايه ياجماعه فين الحفظ

دا انا قولت اني اتاخرت

انا الحمد لله تعالى حفظت الخمس سور اللي حددتهم انجل

يلا ياجماعه عايزين همه اكتر من كده

ومنتظرين الكم الجديد المحدد منك ياانجل

ياجماعه

انجل حددتت السور المطلوبه الحفظ منكم انشاء الله في الاسبوع التاني من رمضان

وهي سوره الجن والمزمل والمدثر

السلام عليكم
انا اسفة جدا ياجماعة انى اتأخرت عليكوا
بس هو فين الحفظ
ربنا يقويكى ياشوشو يارب ويثبتنا على طاعته ويعتقنا جميعا من النار فى هذه الليالى المباركة من الشهر الكريم
وشكرا ياشوشو على المشاركة وهو ده الجزء اللى هنحفظه ان شاء الله ياجماعة الاسبوع ده
احنا كنا متفقين على بقية الجزء لكن عشان يبقى عندنا فرصه لختم القران اكتر من مرة هنكتفى بالثلاث سور دول ان شاء الله

انا حفظت الثلاث سور الحمد لله

ربنا مع الجميع يارب

وربنا يسهل علينا وعليكم الحفظ

عايزين همه ياجماعه احنا في رمضان

معلش يا انجل انا لسه عضوه جديده ولسه داخله وشايفه المسابقه عجبتنى فكرتك قوى ربنا يبارك فيكى واكيد ليكى اجر وثواب عند ربنا لانك بتشجعينا على فعل الخير انا على فكره حافظه جزئين من القران وفى الجزء الثالث همشى معاكوا بقى ويا ريت تعتبرونى صديقه ليكوا وفقكم الله

طبعا يارحاب واحلى صديقة كمان

وان شاء الله تكملى حفظ معانا

بس والنبى متوعديش وتخلفى زى ناس
واخدين بالكوا ياناس
واعرفى انك مش بتوعدى نفسك ولابتوعدينا
انتى بتوعدى ربنا انك تقربى منه
وربنا معانا كلنا
وان شاء الله نكمل حفظ ال3 سور الباقيين فى الجزء ال 29

اكيد يا انجل الوعد بينى وبين ربنا وربنا يقدرنى واكمل حفظ وشكرا انك اعتبرتينى صديقه ليكى وعقبال باقى اعضاء المنتدى

العفو ياقمر ده شرف لينا انك تكونى صديقتنا
وربنا يقوينا يارب

مرسى جدا يا انجل

انا سعيده جداا بيكي يارحاب

ربنا يعينا كلنا على الحفظ

وانا ان شاء الله قربت اخلص الجزء 29

ربنا يخليكى يا شوشو ويا رب يعينا كلنا على الحفظ

الحمد لله خلصت النهارده حفظ الجزء 29

وياريت ياجماعه كلنا نحاول نزود العبادات علشان احنا بقينا في العشر الاواخر من رمضان

اللهم بلغنا ليله القدر

وياريت كلنا ندعي لبعض بالعتق من النار

اللهم اعتقنا من النار يا رب ويجمعنا انا وشوشو وانجلوكارى فى الجنه ان شاء الله

امين يارب العالمين