بحلم أنا ؟؟؟!!!

مدت أيديها وسلمت
وبكل شي أتكلمت
حسيت دموع قلبي مطر
من بين ضلوعي أتبسمت
زرعت في عمري شمسها
زرعت في ليلى فجرها
وسرقنا صفحة من الزمن
ورسمنا أسمى و أسمها
وبدانا نمشى من جديد
والدنيا أيد في حضن أيد
نشرب عيون الليل نشوف
بكرة بيندة من بعيد
نجرى و نتسابق سوا
ونطير على جناح الهوى
اتعب تكون هي الملاك
تتعب تكون روحي الدوا
وف لحظة نام صوت السكون
واتحطمت كل الحصون
تاهت معالم كل شي
والخوف سرق نور العيون
وفضلت انا زى الغريق
في مفترق مليون طريق
تاية في دايرة من عدم
مش قادر أفهم اى شي
وحدي ما بين موج الحياة
زى الصدى الفاقد نداه
أجرى تاخدنى خطوتي
ترميني في كل اتجاه
يا دنيا يا صندوق عجب
أية اللي جواكى أتكتب
تاهت حبيتي في الطريق
ولا اختفت وسط اللهب
يمكن تكون نزلت هنا
يمكن تكون طلعت هنا
يمكن تكون ... يمكن يكون
يمكن أكون بحلم أنا