رقمك مميز ؟؟

السلام عليكم ورحمه الله وبركاته


انا بطرح عليكم موضوع عيزه نتناقش فيه كلنا
هوه ممكن يعتبر مشكله انا بمر بيها حاليا
والى خلانى اقول كده ان الشباب فى المنتدى هنا بتجيب اللوم كله على البنت
فى معاكسه الشباب ليهم

والمشكله عباره عن

فيه رقم زى رقمى تماما الفرق اخر رقمى 66 وهوه اخر رقمه 78

تمام كده لقيته من شهر عمال يدينى ميسدات كتير جدا وانا كالعاده اى رقم بيرن
ولا برن عليه ولا بعبره الا لما يتصل ارد اشوف مين واحيانا مبردش على ارقام غريبه

المهم جيت فى يوم رديت عليه لقيته واحد وقلتله انت عايز مين
قالى ان رقمه لسه جايبه جديد وعمال العب وادخل ارقام زى رقمى وعجبنى رقمك جدااا
قلت اجرب
قلتله طيب لو سمحت متتصلش تانى هنا
وفعلا قطع اتصال وبعدها بشهر لقيته بيرن عليه اول امبارح الساعه 12 مساء
وبعتلى رساله وبيقولى تصبحى على خير يا صديقتى العزيزه
ولقيته الساعه 7 صباحا باعتلى رساله بيقولى صباح الخير يا اجمل صديقه ليه
وفى نص اليوم بعتلى 3 رسايل اكنه باعتهم لواحده حبيبته
وحتى الان باعتلى اكتر من 10 رسايل غير بليز كول مى طبعا وده خلال يومين فقط
وده كله وانا مبردش طبعا
تقدروا تقولوا بقى يا شباب المنتدى الكرام
الغلط دلوقتى عند مين ياترى عند البنت برده
ولا عند مين
مستنيه اراء جميع الاعضاء

وسورى لو كنت طولت عليكم

اكيد طعا الغلط من عنده
وانا بقولك تخلي اي حد من اخواتك او من قرايبك يتصل بيه ويهزقه كويس

لو عملت كده
ممكن يزيد فيها ويعمل اكتر من كده

لا طبع يا كاري اعملي زي مقالك سبيدر

وهديديه انك تبلغي عن رقمه واكيد مش هيتصل تاني

الاحسن ان هي متكلمهوش خالص ولا تهدده حتى
تخلي اي حد يبهدله وكل حاجة ويهدده كمان انو هيبلغ عالنمرة

بصراحه انا شايفه
انى مدلهوش اى اهتمام خالص ولا اكن فيه حاجه بتجيلى
ولا هرد عليه ولا هعبره

لكن ان اخلى حد يكلمه ويهزقه والكلام ده
ممكن يعملى مشاكل كتير واول حاجه ممكن يوزع رقمى على اصحابه وديه سهله قوى
لكن لما يلاقى مفيش فايده
هيزهق ويسكت
بس انا عايزه اعرف راى روميو ايه
لانه دايما بيرمى اللوم على البنت
اين انت ياروميو اظهر وبان

بس الموضوع ده غير خالص الموضوع البيتكلم عليه روميو
على فكرة روميو اليومين دول مسافر

عدم الاهتمام ياكارى هو الحل الوحيد والامثل
والانواع دى مبيحبوش يحسوا كتير انهم مهملين خصوصا ان مش انتى البنت الوحيدة اللى بيعاكسها
هى الحكاية كلها انه هيستنى الفرصة انه يلاقى النوع اللى بيدور عليه
وهينساكى اكيد

طلبتى مني يا كارى ردى طيب انا هقولك ردى ومتزعليش منه لانه برده اللوم هيبقى عليكى انتى لانك بتردى على اى رقم غريب لانه ميصحش ان بنت ترد على اى رقم غريب من موبايلها

انا عن نفسى لو حد اتصل بأختى او امى من رقم غريب انا اللى برد او حد من اخواتى علشان ميتصلش تانى من بعد اول مره

واهو برده انتى اللى غلطانه علشان متزعليش

لا طبعا ياروميو
يعنى ايبه اى البنت متردش على اى رقم غريب
انا بارد وبيطلعوا اصحابى عادى يعنى

وبعدين انتوا كمان هتسيطروا فى الرد على التليفون
مش قلتلكم
مجتمع ذكورى متحكم

ايه الى انت بتقوله ده ياروميو
على فكره انا مبحبش ارد على ارقام غريبه اساسا
لكن لما لقيته مصمم
رديت عليه وانا مكنتش ساعتها فى البيت
يعنى مش غلطانه ولا حاجه
انتوا كده دايما بتجيبوا اللوم على البنت بالرغم انكم عارفين ان انتوا بتبقوا غلطانين

مش كلو يا كاري
انا بقول انك مش غلطانة خالص

بلا ذكورى بلا اناثى بلا ديموقراطى

انا عندى حل مادام انتى بتبقى ساعات مضطره انك تردى

اول ما تفتحى الخط متتكلميش لحد ميتكلم وتتأكدى انك تعرفيه او تعرفيها

ولو طلع حد انتى متعرفهوش اقفلى وده اسلملك برده ما دام انتى عاوزه تفتحى

وانتى غلطانه مش هو اللى غلطان

لان هو واحد دماغه فاضيه مفهاش غير سندوتش همبورجر حمضان بقاله تلات سنين

فمش بعيده عليه انه يعمل كده

بس انتى دماغك لسه فراسك على ما اعتقد

فتصرقى بحكمه وانتى بتردى

هههههههههههههه

اسمعى الكلام ياكارى

لا بس بجد انتى ايه رايك يا انجل فى اللى انا قولته

طيب كويس جدا

كويس
الاختلاف فى الراى لايخلف للود قضية

انا مش هرد عليك وانا الحمد لله عقلى فى راسى
وبعرف ارد عليه ازاى
وعلى فكره انجل شافت معظم الرسايل الى بعتهالى
بس انا بقى رديت عليه وقولته كلمتين بكل زوق واحترام وادب
واتاسفلى ومعدش بيتصل ولا بيبعت رسايل الحمد لله

يا سلام على الوش الخشب لما بيظهر


ربنا يحفظك

احيانا الوش الخشب بينفع
وخصوصا مع الناس ديه

ابقى لمعيه قبل ما تنزلى

وابقى اديله وش دوكو


علشان يبقى ظاهر اوى


والمعالم تبان واضحه

خشبيه

يالهوى على الخفه
ماشى مقبوله منك
بس هات الحاجات الى هلمع بيها

بقى مستخسره تجيبى ورنيش ب اتنين جنيه وعيزانى انا اللى اجبهولك


طيب لما يجى عيد الام

ابقى هبقى اجبلك وحده

ورنيش
اعوذ باله منك يا شيخ

وفى عيد الام كمان
على اساس ايه انشاء الله
ان انا تيزه

انتى مش تيزه


انتى تريزه

فكرى من تكون ؟

على فكره انا زهقت
اسكت شويه بقى مش عارفه انام

صحيتى ولا لسه يا تريزه ؟

مالكش دعوه
واسكت شويه الناس اشتكت منك

اللى مش عاجبه يرش ميه

دا انت رخم
رخامه
انت جايبها منين

من السوبر ماركت مجمده


امشى بعيد يا شاطره بدل ما اشوط الكوره فى وشك

لا انا كمان بعرف اشوط كويس قوووووى
لا بس بجد انا بدايق جدااا لما بلاقى رقم غريب يرن عليه
وخصوصا لما يديلك هفوه صغنونه
بدايق موووووت