يا أبى يا أمى لا ترموا بى للتهلكه

قال رسول الله

صلى الله عليه وسلم

إذا جاءكم من ترضون دينه وخلقه فزوجوه

هذا حديث لرسولنا الكريم سيدنا محمد صلى الله عليه وسلم وكلنا نعرفه تماما

ولكن وجدت هذه الجمله يرددها الاباء والامهات الذين ابتلوا بعانس

نعم عانس

اصبحت كلمه دينه شعار يرفعوه ليقبلوا اى شخص ايا كان يتقدم لابنتهم بعد ان فاتها القطار

للأسف انهم يأخذون الحديث بالمعنى الضيق وهذا هو مقصدى ونسوا باقى الحديث

نسوا او تناسوا كلمه مهمه جدا جدا جدا

خلقه التى بنهايه الحديث

يحكمون على الشخص بأنه متدين لو وجدوه يصلى اذن فهذا هو ما قاله الرسول

من ترضون دينه

ونسوا ان الدين المعامله

نعم المعامله

كنت اعرف فتاه خطبت كثيرا كثيرا ولكن لم يحدث نصيب

حتى اصبحت 33 سنه وهى بالنسبه لوالديها كأن عمرها خمسون سنه

كلمات اخواتها ووالديها صعبه لا يتحملها مخلوق ناهيكن عن نظرات الاقارب والجيران وكلامهم المسموم فتاره تقول لها احدى قريباتها اللى فى مثل عمرك عندهم اولاد فى المرحله الاعداديه

أو دى اختك الاصغر منك عندها تلت اطفال وانتى ؟؟؟؟؟؟؟؟؟؟؟؟؟؟؟؟؟؟؟؟؟؟

واخرى تقول لها انتى اكيد مسحور لك واخرى تقول لها يا عينى يا حرام فاتك القطار ومش حتلاقى غير يا الأرمل أو المطلق

وكلمات مسمومه تنهش فيها

هذا بخلاف نظرات الشفقه والحزن

وعائلتها تعتبر ان ابنتهم هى المخطئه هى التى رفضت فى البدايه واصرت على فسخ الخطبه لسبب تافه واه لو كنتى تحملتى خطيبك وتصرفاته كان زمان معاكى تلت او اربع اطفال الان

دى فلانه اللى من نفس عمرك اولادها اصبحوا طولها

ياه على الضغط العصبى والنفسى وتبدأ المأساه والتى تدفع تمنها الفتاه

يأتى العريس بعد عناء ومشقه ولو ضاع لن يأتى غيره فهذه فرصه لن تعوض على اعتبار ان الرجال يفضلون الصغيره وليس العجوزه والعانس فى نظرهم عجوزه

نسألهم هل تحريتوا عنه

يقولون قال رسول الله

إذا جاءكم من ترضون دينه وخلقه فزوجوه

والعريس لا يفوته فرض يصلى الصلاه فى اوقاتها

وطبعا الفتاه ليس امامها سوى القبول

حتى لو بداخلها رفض وحتى لو صلت استخاره وشعرت انها غير متقبله فعليها ان تقبل

ويتهاون الأهل فى السؤال عن العريس

وعن اخلاقه ويتمسكون به وكأن صلاته هى التدين والاخلاق

طبعا نتمنى ان تكون الصلاه هى كل ذلك ولكن انا اتكلم عن الواقع المرير واغلبكن يعرفون قصدى

ويتهاون الاهل ايضا فى الطلبات والتزامات العريس

مش مهم شبكه مش مهم قائمه منقولات مش مهم مش مهم مش مهم مش مهم

ويبدأ التنازل من قبل الأهل

ويبدأ الأذلال من قبل الزوج

تزوجها رخيصه

أليس كذلك

؟؟؟؟؟؟؟؟؟

رخصها أهلها وكلما اهانها زوجها عليها ان تتحمل ويقول لها

مش كفايه انى اتجوزت عانس يبقى اتحملى بقى

تبدأ اخلاقه السيئه تظهر عالسطح لأن الطبع يغلب التطبع

اهانه وضرب وشتيمه

هذا بخلاف حقيقه عائلته لانه كذب عليهم فى البدايه واهلها لم يتحروا عنه

ولو اشتكت لأهلها يلوموها وتبدأ سلسله الأقاويل من نوعيه

- هل تريدى ان يشمت ويتشفى فينا الناس

- هل تريدى ان تكونى مطلقه

- كل ذلك سيتغير لو انجبتى

والمسكينه تصدق ان بانجابها سيتغير زوجها

وتنجب وتغير الزوج فعلا ولكن للأسوأ

وعندما تبغض الحياه معه وتلجأ لأهلها يكون ردهم

تريدى الطلاق وعندك منه طفل لو كنتى بمفردك بدون أطفال كنا سنتقبل طلاقك

ولكن الأن تحملى لأجل طفلك

وتنهار الزوجه

أمام سلبيه الأهل الذين يرفضون ان يدافعوا عنها ويحفظون كرامتها امام زوجها

وتنهار امام زوج تمادى فى الأهانه وسوء معاشرتها لأنه لم يرى من أهلها وقفه

هل هذا قول رسول الله

والله ان رسولنا لبرىء مما يفعلون

ديننا ورسولنا حفظوا كرامه المرأه وحقوق المرأه

يا اباء يا امهات

لا تضيعوا حق بناتكم

تذكروا قول المصطفى صلى الله عليه وسلم

( استوصيكم بالنساء خيرا )

فلا تضيعوا الأمانه

اتقوا الله فيهن

بجد مآساه بس قليله جدا

بس ابتديت تنتشر فى وقتنا الحاضر

ويارب سترك

الماساة مش قليلة زى ماانت فاكر ياروميو
ده واقع فعلا ونسبته كبيرة
فى اباء وامهات كتير بيدوروا لبناتهم على عريس تتحاكى بيه العيلة كلها ويحسدوها عليه
ويقولوا نفسنا فى عريس زى عريس فلانة ياحظها يابختها
والله والله منتشرة جدا الحكاية دى وفى اسر مثقفة ومتعلمة كمان للاسف ياريتها بين الجاهلين بس كنا قلنا العيب فى التعليم وقلة الثقافة

يبقى كده العيب ولا فى المتعلم ولا فى الجاهل

العيب فى العقل المعطل عن الفكر

بجد الناس دى لو شغلت عقلها مش هيبقى فيه عوانس

ولا حتى بطاله

سترك يا رب

لو شغلت بقا وعليك خير

فعلاا موضوعك ياانجل مهم جدااا

ايه اللي بيحصل ده

ايه يعني البنت توصل 33 سنه ولسه مااتجوزتش

المفروض في الزمن ده الواحده تتمهل في الاختيار

لانه زمن صعب والرجال مش مضمونين فيه

شكراا مره تانيه على الموضوع الهايل ده ياانجل

ميرسى ياشوشو
بس انا حسة انك بتتكلمى فى موضوع تانى خالص وهو التمهل فى اختيار شريك الحياه

على ما اعتقد ان شوشو اتكلمت فى كده يا انجوليا

عامة مش هنختلف

ما انا عارف

عارف ايه؟

اننا مش هنختلف

اكيد ياروميو
خير ان شاء الله

ان شاء الله