1- هل فتاة النت.. سيئه ؟ ولايفضلها الشباب.. دعوه للنقاش
ماهي نظرتكم الى فتاة الانترنت ( كما يطلق عليها ) واقصد بها الفتاة التي تستخدم النت ؟
بصي يا انجل مش كل الفتيات اللي بيستخدموا النت سيئين
على حسب استخدامهم للنت فالنت كتير اوي بيفيد في حاجات كتيره في ابحاث ومعلومات هايله
وساعات كتيره بيبقى وسيله للترفيه ممتعه ومافيهاش اي حاجه غلط لكن في بنات كتيره بيستخدموه غلط
مثلااا الشات البنت اللي اول مره تدخل شات ممكن تنبهر وماتقدرش تتحكم في نفسها وتصدق اي حد
فالطريق ده ممكن يكون بدايه للاستخدام الخاطئ
وكتير من الشباب بيدخلوا على مواقع لاتصح الدخول عليها
وكل ده راجع للتربيه والدين اللي اكيد هيحميهم وهيبعدهم عن الطريق ده
2-هل يعني دخول الفتاة الى الانترنت ،،، والمنتديات خاصة ومخاطبة الجنس الاخر من خلال
المواضيع والمشاركات ،،،، انها فتاة سيئة ؟
متهيالي لا على حسب كلامها ومشاركاتها بتكون ازاي وتكون بشكل محترم
فالمنتديات دي بتكون وسيله للترفيهه والاستفاده كمان
ومن حيث مخاطبتها للجنس الاخر
الكلام في المنتديات ماحدش بيتعمق في الكلام مع حد
والكلام اكيد كله بيبقى في سياق الموضوع المطروح للمناقشه
3 - بنظركم ،، هل كل فتاة تستخدم النت لابد أن يكون لها صديق ؟
لا مش كل فتاه تستخدم النت لها صديق
وانا لا اؤيد الصداقه بين الولد والبنت
4 - ترى ماهي بنظركم الحدود التي يجب أن تقف عندها الفتاة ،، حتى لايسيء استخدامها للنت اخلاقها ؟
اكيد كل بنت عارفه ايه الصح من الغلط وتكون مصاحبه مامتها وتقولها على كل حاجه بتعملها
واكيد مامتها هترشدها صح وماتدخلش الشات المتخلف ده لكن المنتديات من رايي مافيهاش مشكله
ولازم اكيد البنت تلاحظ المنتدى نفسه كويس او لا لان في منتديات كتيره بيكون فيها مواضيع غلط
وتخلي العقل مش عارف الصح فين فالمنتدى اللي يكون فيه شك بلاش منه احسن
5 - ماهو الخط الاحمر الذي يجب ان تقف عنده الفتاة وتقول للانترنت
وداعاً ؟
الخط الاحمر البنت هي اللي هتكون سببته لكن النت نفسه مالوش ذنب
6- - انت كشاب تستخدم النت وتكتب بمنتديات ،، هل تسمح بمن تعولهم من زوجة او اخت او
ابنة ان يستخدموا النت تحت اشرافك او بدون اشراف او تمنعهم ؟
انا لو شاب اكيد هيكون عندي ثقه بمن اعولهم بس اكيد همنعهم من دخول الشات بس
لكن هخليهم يستخدموا النت عادي وانا هكون واثق في اخلاقهم وطريقه تعاملهم مع النت
شكرااا ياانجل على الموضوع ده
اكيد كل واحد فينا هيكون له راي
بس ياريت لو يكون في راي الدين كمان