ظاهرة فى مجتمع

بجد اقتراح جميل اوي ياانجل

انا بقترح اننا نناقش ظاهره اولاد الشوارع

بجد الظاهره دي بتتعبني نفسيااا اوي

وبيصعب عليا الاطفال دي

فين اهاليها اكيد اتجردو من الاحساس والمشاعر والرحمه

وبجد مش عارفه ازاي تكون المساعده الشخصيه ليهم

انا كان من وجهه نظري ان ممكن كل اسره تاخد طفل من الاطفال دي وتربيه مع اولادها

بس اللي كنت بقوله كده كان يقولي احنا مش ضامنين العيال دي المتربيه في الشارع ممكن يسرقونا ويهربوا

او يعملوا اي حاجه فينا

طب احنا ممكن نوديهم ملاجئ او نعملهم مكان يعيشوا فيه ونسميه جمعيه كفاله اولاد الشوارع

بس الحكايه دي كمان هتسبب لهم عقده عند كبرهم

لانهم مش هيقدروا يندمجوا مع المجتمع اللي احنا عايشين فيه

هيبقى الطفل ده معروف انه طالع من ملجا

او انه كان من اولاد الشوارع

والمجتمع بيعتبره عار

بصراحه انا غلبت مش عارفه فعلااا ايه الحل

ربنا يتولاهم

وحسبي الله ونعم الوكيل على الاباء اللي تسيب ولادها كده

مدام مش اد المسؤليه بيخلفوهم ليه

الاول ان الموضوع جميل اوى ومواضيعك جميلة اوى ورائعة
الظاهرة اللى منتشرة فى وقتنا الحاضر ان الاباء يعاملون ابنهم معاملة قسية جدا
كل واحد فيهم يفهم الموضوع من ناحية اخرى
يفهم الاباء انهم بذلك الطريقة العنف والشدة فى العنف انة بيحافظ على ابنة من الضرر والفشل
والاب عايز الابن يعمل زى ما عمل زمان بس دة دلوقتى ماينفعش
ويفهم الابناء ان مايفعلونة الابناء انة عقبة فى طريقهم ومش بيحبوا كدة بيعتبروا نفسهم اصحاب النت والسرعة والروشنة وفى كلا الحالتين كلوا مش عاجب التانى
وشكرا ليكوا

فعلا ياميدو فى بعض الناس بيعانوا من حكاية تحكم الاباء فيهم
وهو ده اللى بيخلى الابناء يتجهوا لاى طرق يخليهم متحررين من التحكم ده
وده بياثر بالسلب طبعا عليهم وبيخليهم بتصرفوا غلط

الصراحه المجتمع مفهوش اى مشكله


الناس بتاكل عيش وكمان بتأكل الفراخ عيش

الطلاب بتنجح بتفوق كل سنه وبيخشوا احسن الجامعات

الخرجين بيشتغلوا احسن اشتغالات ومحدش بيسافر بره خالص يغسل صحون

والمواصلات فاضيه والشوارع فاضيه اوى

وكده كفايه اوى

انا مش عاوز اقول اكتر من كده من مميزات المجتمع حبيبى

الله عليك ياروميو بجد انا مشفتش حب زى كدة
انت بجد عندك انتماء فظيع
بس ياريت نتكلم فى ظاهرة واحدة ونتناقش فيها وان شاء الله نناقش ل البلاوى دى
بس براحة
عشان السياحة متضربش

ارد اقول ايه كل حاجه احنا عرفنها ولو اتكلمنا من هنا لأمبارح برده مش هنلاقى حد يسمعنا ولو سمعنا حد مش هينفذ ولو نفذ هيشتغلنا مووووووووووووووووووووووووووووووووووووووت

فلازم نخبى نفسنا من الاول قبل ما يسمعنا

يعنى ياروميو لا هنعمل ولاهنتكلم
ده احنا كدة ممكن نموت
فضفضوا ياولاد فضفضوا

لو على الفضفضه فأحنا بنفضفض بس ربنا يستر من اخرتها

لان اخرتها وحشه اوى :( :(

ياعم متخفش
اللى يمشى ورا انجل ميخفش ابدا

ما انا عارف

طيب خليها فى سرك بقا ياروميو عشان الضرايب

سترك يا رب من الضرايب

انجل كنت عايزه نناقش نظره المجتمع للخارجين من السجون

في ناس كتير بتدخل السجن بتهم وفي ناس بتكون مظلومين

ولما بيخرجوا من السجن بيبقوا شايلين العار ده مدى الحياه

مش هم لما دخلو السجن اتعاقبوا كده وفي ناس كتير فعلاا بتكون عايزه تتوب وتعيش حياتها صح

لكن المجتمع مش بيدهم الحق في ده

انا مش عارفة اقول ايه ياشوشو فى الظاهرة دى
لانى مواجهتهاش فى حياتى وتخيلتش انى اواجهها
بس طبعا القضايا تختلف
انا ممكن اعامل واحد بطبيعتى خالص لو مثلا كانت قضية بسيطة
انما الناس اللى بيبقوا مسجونين فى قضايا مخدرات مثلا او سرقة او ماشابه اكيد بيتخاف منهم وصعب جدا ان اى حد يعاملهم بتلقائية
وانا كواحدة من الناس دول هاخاف منه
بس هنرجع ونقول ان الناس دول اتعاقبوا على جريمتهم واكيد اتعظوا
ومااكثر القضايا الملفقة ودى تبقى مشكلة تانية خالص

بس برضه ده مجرد كلام واكيد الواقع هيختلف

مشكله صعبه اوى يا شوشو بس بصرحه كل واح من شعب مصر هيبصلها من نظره مختلفه

وجميعها اختلافات

فين اراء باقى الاعضاء؟

لما يبقوا يصحوا من النوم

اكتب على الموضوع من برة ملك وكتابة وههيجوا على طول

ههههههههههههههه

اكيد

وانا اولهم

ابقوا قولولى طيب عشان اجى معاكوا

انا جيت


ملك

يبقى تطلع برة ومتجيش هنا تانى

ليه كده

هى طلعت كتابه ؟

لا عشان احنا مبنلعبش

خلاص مش هلعب تانى يا ماما


انا اسف

ماشى ياروميو
نتكلم جد بقا

اوك


قوليلى ايه الجد وانا اتكلم معاكى

قول عن حاجة انت شايفها ومش عاجباك
نتكلم عنها شوية ونفضفض فيها

بجد عندى حاجه مش عجبانى خالص


بس هتزعلوا منى البنات بس

فأحسنلى مش هتكلم

اتكلم ياروميو

وباذن لا مافيش زعل

اتفضل اطرح المشكله اللي عندك

وكلنا اذان صاغيه

الملابس التى ترتديها الفتيات


من الممكن واحنا ماشيين فى الشارع نشوف منظر سئ جدا بجد بجد الواحد بيبقى قرفان بعد ما شافه



الا وهو ان البنات بمختلف اجسامهم يرتدون ملابس قصيره - ضيقه - عليها بعض المخطوطات او ما شبه ذلك الذى يجعل اعين الشباب تتجه نحوه


بجد بجد مناظر الواحد بيبقى قرفان انه لمحها او شفها


انا مش بقول كده علشان امدح فى نفسى ولا حاجه

اسألوا ادمين

لما بشوف منظر زى ده بقوله انا شوفت منظر يقرف الكلب


لانه بجد يقرف


مش عارف ليه بعدنا عن دينا وارتدينا كل فادح

هاااااااا قد قرب رمضان فقد تجد من يتحشم منهم فى ذلك الشهر ومنهم من لا يعطيه اى ادنى اهتمام


لماذا ذلك ؟

ومن العجيب ان تشاهدهم بعد شهر رمضان يرتدون ماكانوا يرتدونه قبل رمضان


وتيجى البنات تقول احنا بنتعاكس

و الشباب مش سيبنا برحتنا


ده اكيد من حقهم لانهم مش متربيين كويس

وكمان مش لاقين شغل

ولو حتى بيشتغل بيشتغل شغلانه تعطيه من المال القليل والقليل الذى لا يتيح له ان يتزوج او ان يكون نفسه

بجد مشكلتنا فى اقتصاد بلدنا

لو اتصلح هيتصلح كل شئ

ان شاء الله


و



الله اعلى واعلم

وسورى جدا انى طولت عليكم


والكلام ده مش لبنات المنتدى

لانى اعلم بقمة ادبهم واحترامهم

شكراا ياروميو على طرحك للمشكله دي

واحنا اكيد مبسوطين لانك فضفضت وريحت نفسك

لان كان واضح من كلامك انك مدايق اوييييييي

وانا معاك في كل كلمه قولتها

في بنات كتير بتلبس ملابس ضيقه وبيبقى منظرها فعلاا يقرف

لكن العيب على التربيه في الاول والاخر

وده كمان غباء من البنت ليه اللبس ده؟؟؟ اللي يخسرها دنيتها واخرتها

بس بصراحه ياروميو انا متهيالي ان اللي بيلبسوا محتشم بقوا دلوقتي اكتر من البنات دي

فده بقى شيء جميل

وانا حاسه كمان ان في الزمن بتاعنا ده ملابس البنات نوعا ما محتشمه كتير عن زمان

زمان كان لبس البنات كلهم عباره عن فساتين قصيره

وقله قليله جداا اللي بيتحجبوا

فكان معروف وشائع ان اللي بتتحجب دي بتكون اتجوزت خلاص وخلفت وعيالها كبروا

ومع ذلك انا حاسه ان الظاهره دي دلوقتي تعبانااحنا في الزمن ده وماكانتش مشكله

ابدااا في الجيل اللي قبلنا

ماعلش طولت عليكم

واتمنى اني ماكونش خرجت عن الموضوع بس انا بفكر بصوت عالي معاكم

وربنا يهدي الجميع

شكرا يا شوشو على رأيك الجميل
والمشكلة دي مش هتتحل

غير لما البنات دول يعرفو ربنا كويس
لأن أنا بجد بقيت بشوف المناظر دي في كل حتة

انا معاكى ياشوشو فى رايك
وياريت المشكلة تبقى اعم
اذا كنت ياروميو متضايق من منظر البنات ولبسهم
الاولى الاول انك تضايق من لبس الشباب
انت مبتشفش اولاد لابسين قمصان بتلمع ؟ وبوديهات متطرزة ؟
وللا البنطلونات او مايسمى بالبنطلونات

انت لو هتتكلم على مشكلة اللبس المحتشم واللى مش محتشم يبقى نتكلم عليها عامة
اولاد وبنات
اما بالنسبة للبنات فانا مع شوشو واضافة على رايها انى باشوف بنات لابسين لبس فى منتهى الاحترام وافعالهم فى منتهى الحقارة والعكس
فالحكاية كلها اخلاق وتربية زى ماشوشو قالت وان ده مش اكتر من غباء منها
اما بالنسبة للاولاد فانا عايزة اعرف رايكوا

انا مش هقولك على رأى فى لبس الشباب

اللى هيرد عليكم فى رأى عن لبس الشباب هو ادمين هو عارف رأى كويس جدا اكتر من انه عارف نفسه

فلو دخل على الموضوع ده ياريت يقولكم رأى ولو حد قريب منه يقوله يدخل ويرد

وشكرا على ردودكم